Shymkentte segiz adam gazdan ýlanyp qaldy
ShYMKENT. QazAqparat - Shymkentte segiz adam gazdan ýlanyp qaldy. Aýrýhanaǵa jetkizilgen naýqastardyń beseýi - balalar, dep habarlaıdy QazAqparat tilshisi.
Tańǵy beste oblystyq joǵarǵy qysymdy ottegimen emdeý ortalyǵynyń toksıkologııa bólimshesine gazdan ýlanǵan áıel habarlasqan. Ol ózinde álsizdik sezinip, basy aınalǵanyn aıtypty. Sóıtip úıdegi balalaryn da oıatqan. Belgili bolǵandaı Jaılaý shaǵynaýdanyna turatyn januıaǵa taǵy bir otbasynyń músheleri qonaqqa kelipti.
«Bizge eki otbasynyń segiz adamy tústi. Olardyń 5 bala, úsheýi áıel. Tórteýin ortasha dárejede ýlanǵandyqtan aýrýhanaǵa jatqyzdyq. Olar tıisti em-domyn alyp jatyr», - dedi toksıkologııa bólimshesiniń meńgerýshisi Asylhan Myńbosynov.
Aýrýhanada qalǵan naýqastar qazir dárigerdiń baqylýyna alyndy. Dese de aqhalattylar naýqastardyń jaǵdaıy qalypty dep baǵalaýda. Mamandardyń aldyn ala boljamdary boıynsha ys gaz peshiniń buzylýynan shyqqan. Qazir oqıǵa ornynda gaz qyzmetiniń ókilderi jóndeý jumystaryn júrgizýde.
