Shymkentte «Saılaý-2021: saıası jańǵyrýdyń jańa kezeńi» atty taqyrypta otyrys ótti
Jıynda sóz alǵan QR Prezıdenti janyndaǵy Qazaqstan strategııalyq zertteýler ınstıtýtynyń bólim basshysy Alýa Joldybalına «Saılaý týraly» zańǵa engizilgen ózgerister jaıynda, sondaı-aq aldaǵy saılaýdyń erekshelikteri jóninde pikir bildirdi.
«Zańǵa engizilgen ózgeriske sáıkes, endi partııalyq saılaý tizimindegi adamdardyń 30 paıyzy mindetti túrde áıelder men 29 jasqa deıingi jastar bolmaq. Bul ózgeris áıelder men jastardyń saıasatqa belsendi aralasýyna múmkindik beretini sózsiz. Sondaı-aq, eger osyǵan deıin ótken saılaýlarda máslıhat depýtattaryn bir mandatty okrýgter boıynsha saılasa, endigi kezekte, eń alǵashqy ret partııalyq tizim boıynsha ótedi, ıaǵnı oblystyq, qalalyq, aýdandyq máslıhattardyń depýtattarynyń barlyǵy partııalyq tizim boıynsha saılanady. Bul prıntsıp partııalardyń ózara básekelestigin, aımaqtarda máslıhat jumysynyń ári qaraı belsene túsip, partııalardyń jaýapkershiligin arttyrýǵa múmkindik beredi», – dedi Alýa Serikqyzy.
Sarapshynyń aıtýynsha, elimizde 216 okrýgten usyný kezeńiniń sońynda: 56 okrýgte 3 partııalyq tizim, 137 okrýgte - 4 tizim, 23 okrýgte - barlyq 5 saıası partııalardyń tizimderi usynylǵan. Partııalyq tizimderge 8334 úmitker kiredi, onyń ishinde 3721 - áıelder men 29 jasqa deıingi azamattar. ıAǵnı, 30 paıyzdyq kvota oryndaldy. Sonyń ishinde:
«Aýyl» partııasy – 611 kandıdat, onyń 326-sy nemese 53,4 % áıelder men 29 jasqa deıingi azamattar;
«Nur Otan» partııasy - 6234 kandıdat, onyń 2527-si nemese 40,5 % áıelder men 29 jasqa deıingi azamattar;
«ADAL» partııasy - 540 kandıdat, onyń 354-i nemese 65,6 % áıelder men 29 jasqa deıingi azamattar;
«Aq jol» partııasy - 715 kandıdat, onyń 374-i nemese 52,3 % áıelder men 29 jasqa deıingi azamattar;
«Qazaqstannyń halyq partııasy» - 234 kandıdat, onyń 140-y nemese 59,8 % áıelder men 29 jasqa deıingi azamattar.
Sondaı-aq basqosýda Eýrazııalyq ıntegratsııa ınstıtýtynyń sarapshysy Samat Nurtaza elimizdegi saılaýaldy sharalardyń bári de zańǵa sáıkes ótip jatqanyn tilge tıek etti.
«Áleýmettik jelilerden baıqaǵanymyzdaı, mańyzdy saıası dodaǵa ún qosyp jatqandar az emes. Qazir burynǵydaı emes, el turǵyndarynyń saıası belsendiligi artyp keledi. Jalpy bes partııaǵa da birdeı múmkindik berilgen. ıAǵnı, bul bizdiń elimizdiń demokratııalyq baǵytta kele jatqanyn aıǵaqtaıdy», – dedi sarapshy.
«Shymkent qalasy kásipodaqtar ortalyǵy» aýmaqtyq kásipodaqtar birlestigi tóraǵasynyń mindetin atqarýshy Serik Áýeshanov birlestik janynan qurylǵan óńirlik baıqaýshylar shtabynyń jumysy týraly baıandap ótti.
«Aldaǵy saılaýǵa Qazaqstan Respýblıkasy Kásipodaqtar federatsııasynyń atynan 5762 táýelsiz baıqaýshylar tirkelip, olar daýys berýdi respýblıka boıynsha 3726 saılaý ýchaskelerinde baqylaıtyn bolsa, al Shymkent qalasy boıynsha 293 táýelsiz baıqaýshylar tirkelip, olar daýys berýdi qala boıynsha 293 saılaý ýchaskelerinde saılaý protsesiniń barysyn baqylaıtyn bolady, - dedi S. Áýeshanov.
Dóńgelek ústel barysynda Shymkent qalasyndaǵy ÚEU, JOO ustazdary jáne jastar ókilderi ózderiniń usynys-pikirlerin ortaǵa salyp, aldaǵy saılaýda birlese jumys isteýge shaqyrdy.
