Shymkentte sáýlet jáne qurylys basqarmasynyń burynǵy basshysy on jylǵa sottaldy
Aıta keteıik, qomaqty qarajat 2019 jyly qaladaǵy qurylys jumystary júrgizilgen jerlerge topografııalyq túsirilim jasaýǵa bólingen bolatyn. Sheneýnik memlekettik satyp alý barysynda arnaıy lıtsenzııasy joq merdigermen sóz baılasyp, qarajatty sol kompanııaǵa aýdartyp jibergen. Alaıda atqarylǵan jumys jaramsyz dep tanylǵan. Tergeý barysynda aıyptalýshylar bıýdjet qarajatyn qolma-qol aqshaǵa aýdaryp, óz paıdasyna jaratyp júrgeni dáleldendi. Osy qylmysy úshin kásipker 8 jylǵa bas bostandyǵynan aıyryldy.
«Memlektettik satyp alýdy júrgizý barysnda zań talaby buzylǵan. Onyń topografııalyq túsirilim túsirýge ol zańdy tulǵanyń memlekettik lıtsenzııasy bolmaǵan. Soǵan qaramaı ol jeńimpaz dep tanylǵan jáne kelisimshart túzilgen. Mine, osylaı ári qaraı olardyń áreketteri jalǵasyp, nátıjesinde memleketpen osy jumystardy atqarýǵa bólingen 498 mln teńge talan tarajǵa salynyp, atqarylýy tıis jumystardyń barlyǵy tıisinshe oryndalmaǵan. Sol sebepti olardyń áreketterin sot ózderine senip tapsyrylǵan bótenniń múlkin talan-tarajǵa salý, jymqyrý dep baǵalady. Jáne sol boıynsha tıisinshe jaza belgilendi. Túpkilikti osy eki qylmystardyń jıyndyǵymen Baıymbetovke 10 jylǵa bas bostandyǵynan aıyrý jazasyn qylmystyq-atqarý júıesiniń qaýipsizdigi ortasha mekemesinde óteý belgilendi. Odan basqa ol ómir boıyna memlekettik qyzmette jáne memlekettik uıymjarda basshylyq qyzmetterdi atqarý quqyǵynan aıryldy», - dedi sýdıa Marııar Abdrasılov.