Shymkentte saýda ókilderi ózderine-ózi «qaraqshylyq shabýyl jasaǵan»
ASTANA. QazAqparat - Shymkentte saýda fırmalarynyń biriniń ókili urlyq faktisin jasyrýdyń aılasyn oılap tapty, dep habarlady «QazAqparat» HAA tilshisi OQO ІІD-ge silteme jasap.
12 qarashada polıtsııaǵa qaraqshylyq oqıǵasy týraly habarlama tústi. Kóshelerdiń birinde bolǵan kólik oqıǵasynan keıin belgisiz bireýler iri kólemdegi qarjy somasyn qoldy etken-mys. Polıtseıler qylmys ornynda zardap shekkenderdi «Prıora» kóligi soǵyp ketkenin anyqtady. 1979 jyly týǵan áıel men 1986 jylǵy er adam saýda fırmasynyń ókili bolyp jumys isteıdi jáne sol kúni olar iri kólemdegi aqsha qarajatyn áketip bara jatqan.
Jábirlenýshilerdiń aıtýynsha, olardy soǵyp ketken kólikten eki jas jigit shyǵyp, bulardan aqshany kúshtep tartyp alǵan. «Urlyq» baby boıynsha sotaldy tergeý bastaldy. Tergeý barysynda polıtseıler munyń barlyǵyn zardap shekken adamnyń keıpin keshken saýda ókili oılastyrǵanyn anyqtady. Ol kinásin moıyndady. Osylaısha, er adam fırmaǵa tıesili iri kólemde qarajatty jymqyrǵanyn jasyrǵysy kelgen. Sotaldy tergeý júrip jatyr.
