Shymkentte sarbazdar ant qabyldady
ShYMKENT. QazAqparat - Shymkentte 35 748 áskerı bólimniń sarbazdary ant qabyldady. Eldiń qalqany bolar 110 sarbaz jaýapkershiligin sezinip, qyzmetin adal atqarýǵa ant etti, dep habarlaıdy QazAqparat tilshisi.
Olardyń ishinde 30 sarbaz Aqmola oblysynan, 30-y Soltústik Qazaqstan jáne 50 jigit Almaty oblysynan kelgen.
Bólimniń komandıri, polkovnık Ashat Abdývaıtov pen QR Qarýly kúshteriniń OQO boıynsha ardagerleriniń tóraǵasy, podpolkovnık Babaı Aldabergenov jas sarbazdardy merekemen quttyqtady. Qıynda jaýarshiligi mol qyzmetterine sáttilik tiledi.
«Sarbazdar bergen anttaryna adal, attaryna zaty laıyq azamattar bola bersin! Áskerı mindet - óte mańyzdy abyroıly is. El aldynda, Otan aldynda, halyqtyń aldynda mindetterindi adal atqaryp, úılerińe aman-saý oralyńdar. Biz senderden úlken úmit kútemiz!», - dedi Babaı Aldabergenov.
Jalpy, jas sarbazdar úshin bul kúnniń orny erekshe. Eń bastysy, Otan aldyndaǵy boryshyn adal atqarý men el aldynda jaýapty azamat ekenin tereń sezinetin kún. Saltanaty jıyn jabyq dep jarııalanǵannan soń áskerı bólim basshylary bólimniń klýbynda ata-analarmen kezdesip, áńgimelesti. Olardy mazalaǵan saýaldarǵa jaýap berdi. Sonymen qatar alystan at terletip kelgen ata-analar ózderiniń balalary jatyp demalatyn, tamaq ishetin oryndarmen tanysty. Jıyn sońynda áskerı bólimniń kórkem ónerpazdarynyń shaǵyn merekelik kontsertine ulasty.
