Shymkentte sanaq júrgizýdi jeleý etken alaıaqtar zeınetkerdiń 1,6 mln. teńgesin jymqyryp ketken
ShYMKENT. QazAqparat - Shymkentte polıtseıler alaıaqtyqpen zeınetkerdi tonap ketken qos kúdiktini ustady. Olar egde jastaǵy qarııanyń úıinen 1,6 mln. teńgesin jymqyryp ketken, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.
Belgili bolǵandaı, 7 aqpan kúni zeınetkerdiń úıine belgisiz tulǵalar kelip, sanaq júrgizilip jatqanyn aıtqan. Sóıtip qarııanyń kóńilin basqa jaqa aýdaryp, ekinshisi qomaqty kólemdegi aqshasyn urlap ketedi.
Osy derek boıynsha Ál-Farabı aýdandyq polıtsııa bóliminde qylmystyq is qozǵalyp, tájirıbeli mamandardan qurylǵan top kúdiktini izdestirgen. Jedel izdestirý sharalary barysynda eki kúdikti ustaldy. Ekeýiniń de 1989 jyly týǵan Qostanaı oblysynyń turǵyndary ekeni anyqtaldy. Seziktiler alaıaqtyq jolmen qarııanyń 1,6 mln. teńgesin qoldy etip, qajettilikterine jaratypty. Qazir ustalǵan ekeýdiń osyǵan uqsas ózge de qylmystarǵa qatystylyǵy tekserilýde.
