Shymkentte samokat mingen azamattan asa iri mólsherde sıntetıkalyq esirtki tárkilendi

ShYMKENT. QazAqparat - Shymkentte samokat mingen esirtki qoıyp ketýshi ustaldy. Jigitten asa iri mólsherde sıntetıkalyq esirtki tárkilendi, dep habarlaıdy QazAqparat Polisia.kz-ke silteme jasap.

Qala aýmaǵynda reıdtik is-sharalar júrgizý barysynda túngi ýaqytta qarańǵy kóshede samokat aıdap júrgen jas jigit esirtkimen kúresýshilerdiń kúdigine ilikti. Tyıym salynǵan zattardyń bar-joǵyn tekserý kezinde polıtseıler onyń sómkesinen bir rettik doza salynǵan sıntetıkalyq esirtkiniń 20 dana oramyn jáne ony jasyrý úshin jerdi qazýǵa arnalǵan pyshaq tapty.

Sondaı-aq jedel ýákilder ustalǵan azamattyń páterin tintip, odan 120 gramm untaq tárizdi psıhotroptyq zat salynǵan paket, 2 tarazy jáne 19 esirtki oramyn taýyp, tárkiledi.