Shymkentte sambo kúresinen elimizdiń ІV jastar sporttyq oıyndary ótip jatyr
ShYMKENT. QazAqparat - Shymkenttiń jeńil atletıka sport kesheninde sambo kúresinen Qazaqstan Respýblıkasynyń ІV jastar sporttyq oıyndary ótip jatyr. Jarysqa elimizdiń 14 oblysynan jáne Astana, Almaty qalalarynan sportshylar kelip, baǵyn synaýda , dep habarlaıdy QazAqparat HAA tilshisi.
Sambo jarysyna bas-aıaǵy 16 komanda qatysyp, onyń quramyndaǵy 320 balýan ózara baǵyn synaýda. Úsh kúnge jalǵasatyn oıynda sportshylar arasyndaǵy myqtylar iriktelip, erteń aqtyq saıysqa qatysady.
Aıta keteıik, sambodan bastalǵan jastar oıyny keıingi býyn arasynda sportty damytýdyń qamy. Ári elimizdegi negizgi quramany jasaqtaý mindetimen ushtasady. Al, respýblıkanyń barlyq oblysyn qamtyǵan jastar oıyny jalpy, sporttyń 35 túrin qamtıdy. Onyń 6-aýy ádette Shymkent jerinde ótedi. Bul jolǵy baıraqty básekeniń bási dúbirli dodaǵa irikteý bolyp tabylatynymen de qundy bolyp otyr.
