Shymkentte salynyp jatqan juqpaly aýrýlar gospıtali 1 maýsymda paıdalanýǵa beriledi

ShYMKENT. QazAqparat – Shymkentte salynyp jatqan juqpaly aýrýlarǵa arnalǵan gospıtal 1 maýsymda paıdalanýǵa beriledi. Bul týraly qala ákimi Murat Áıtenov onlaın brıfıng kezinde málimdedi, dep habarlaıdy QazAqparat tilshisi.

Qala ákiminiń aıtýynsha, atalǵan emdeý nysany 200 orynǵa laıyqtalǵan. Onyń qurylysyna 5,8 mlrd teńge qarastyrylǵan.

«Qala ákimdigi rezervinen koronavırýske qarsy sharalarǵa 1,2 mlrd teńge qarjy baǵyttalǵan. Onyń ishinde, medıtsınalyq mekemelerdiń materıaldyq-tehnıkalyq bazasyn nyǵaıtýǵa 501 mln teńge bólindi. Sonymen qatar, qaýpi joǵary mekemelerde qyzmet etetin medıtsına qyzmetkerlerin qarjylaı qoldaý sharalary da júrgizilýde. Máselen, 1, 2, 3 táýekel toptaǵy 2 764 medıtsına qyzmetkerine naýryz-sáýir aılarynda 799 mln teńge ústemeaqy tólendi. Odan bólek, demeýshilerdiń esebinen 752 qyzmetkerge 42 mln teńgege qarjylaı kómek kórsetilgen»,-dedi shahar basshysy.

Al, naýqastarmen jaqyn baılanysta bolǵan medıtsına qyzmetkerlerin oqshaýlaý maqsatynda tegin 6 qonaq úı jáne jumysyna tasymaldaýǵa 120 avtobýs uıymdastyrylyp otyr.