Shymkentte salynatyn jekemenshik mektepterge memleketten qarjy bólinedi
Qala ákimdiginde vıtse-mınıstr men shahar basshysy Ǵabıdolla Ábdirahymov kezdesti. QR Bilim jáne ǵylym mınıstrligi men qala ákimdigi jáne qalalyq óńirlik «Atameken» ulttyq kásipkerler palatasy basshylarymen úsh jaqty kelisimge qol qoıdy.
Jıyn barysynda shahar basshysy qaladaǵy 10 joǵarǵy oqý orny men 29 kolledjde 106 myń stýdent bilim alyp jatqanyn atap ótti. Onyń ishinde 6614 shákirt jatyn orynmen qamtylǵanyn, ári qosymsha 8400 oryn qajet ekenin jetkizdi. Elbasynyń Bes áleýmettik bastamasyn júzege asyrý maqsatynda 700 oryndy jataqhana salýǵa ótinim jiberilgenine toqtaldy. Osy oraıda QR Bilim jáne ǵylym mınıstrligi men «ıÝG Stroı Servıs», jeke kásipker G.Qaıypova arasynda stýdentterdi jataqhanamen qamtamasyz etý týraly kelisim-shartqa qol qoıyldy.
Jıyn barysynda qala ákimi Ǵabıdolla Ábdirahymov mınıstrlik ókiline Shymkentte demografııalyq ósim jyl sanap artyp kele jatqanyn, sonyń nátıjesinde mektep tabaldyryǵyn attaıtyn búldirshinderdiń kóbeıgenin tilge tıek etti. Odan bólek úsh aýysymda oqytatyn 19 mekteptiń máselesin sheshýde orta bilim salasyna jekemenshik kapıtaldy tartý jáne jeke mektepter qajet ekenin jetkizdi. Óz kezeginde Bıbigúl Asylova Shymkentte keler jyly jekemenshik 9 mektep salý josparlanyp otyrǵanyn, mınıstrlik tarapynan jeke ınvestorlarǵa qoldaý bolatynyn aıtty.
«Memleket jańadan salynatyn jekemenshik mektepterdiń qurylysyna jumsalǵan qarajatty segiz jyl kóleminde ótep beredi. Investıtsııalyq shyǵyndar tólenedi. Alaıda ol ǵımarat 20 jyl kóleminde tek mektep retinde paıdalanylýy kerek. Sol jyldarǵa memleket tarapynan kelisim-shart túzilip, kepildeme beriledi. ıAǵnı, memlekettik tapsyrys boıynsha jan basyna shaqqanda qarajat tólenedi. Sonymen qatar, baǵdarlamaǵa sáıkes bos turǵan ǵımarattardy da mektepke saı keltirý qarastyrylǵan», - dedi QR Bilim jáne ǵylym vıtse-mınıstri Bıbigúl Asylova.
