Shymkentte salmaǵy 6 keliden asatyn alyp náreste dúnıege keldi

ShYMKENT. QazAqparat – Shymkentte salmaǵy 6 keliden asatyn alyp náreste dúnıege keldi, dep habarlaıdy QazAqparat tilshisi.

Sábıdiń salmaǵy 6 keli 50 gramdy quraǵan. Al, boıy 63 sm bolypty. Qazir ana men balanyń jaǵdaıy jaqsy. Bes kún perzenthanada jatqan olar, úılerine shyqty. Degenmen, dárigeler baqylaýdy úzgen joq.

«Shymkent qalalyq perzenthanasynda táýligine 30-35 náreste ómirge keledi. Sondaı arpalys kúnderdiń birinde jedel járdem qyzmetkerleri júkti kelinshekti alyp keldi. Onyń júktiligi 39 apta eken.

Tekserý barysynda ishtegi balanyń salmaǵy úlken ekendigin anyqtadyq. Sodan dárigerler keńese kele ota jasadyq. Barlyǵy sátti ótti» - deıdi Shymkent qalalyq perzenthananyń akýsher-gınekolog dárigeri Jarqyn Danııarov.