Shymkentte rýldegi júrgizýshi esinen tanyp, bes birdeı kólikpen soqtyǵysqan

Jol-kólik oqıǵasy Qaldaıaqov pen Jangeldın kósheleriniń qıylysynda bolǵan. «BMW» kóligimen kele jatqan júrgizýshi jolda kezdesken «BMW H5», «Neksııa», «Toıota» men eki birdeı  «Folksvagen» kólikterin soqqan. Artynsha joldaǵy qorshaýdy julyp tústi. Jol apatyn jasaǵan jigitti kóliktegi qaýipsizdik jastyǵy aman alyp qalypty. Taǵy bir júrgizýshiniń bas mıy shaıqalyp, aýrýhanaǵa jetkizildi.
 

«Aýyr dene jaraqatyn alǵandar joq. Barlyǵyn tekserip shyqtyq. Tek qana bir júrgizýshiniń basy aýyryp, ony jedel járdem alyp ketti. Kóliktegi ózge júrgizýshi men jolaýshylar qatty jaraqat almaǵan»,- deıdi jedel járdem qyzmetiniń mamany.

Al, kináli júrgizýshiniń anasy bolsa jol apaty oryn alǵanda ulymen birge kólikte bolǵanyn aıtady. Sol mezette balasy mazasyzdanyp, esinen tanyp qalypty. Biraq tejegishti basyp úlgergen. Dárigerler oǵan úsh aptadan soń ota jasaýy qajet eken.
 

«Qalaı bolǵanda da qazir jol kólik oqıǵasynyń sebep saldary anyqtalýda. Jergilikti polıtsııa qyzmetkerleri tarapynan kináli júrgizýshige qatysty ákimshilik is qozǵalyp, tekserý sharalary júrgizilýde. Kólikterge qanshalyqty shyǵyn kelgeni de aldaǵy ýaqytta belgili bolady. Ol týraly qosymsha habarlaıtyn bolamyz», - dedi oblystyq ІІD baspasóz qyzmetiniń jetekshisi Saltanat Qarakózova.