Shymkentte «Rýhanı jańǵyrý» taqyrybyn jazatyn úzdik jýrnalıster anyqtalmaq

ShYMKENT. QazAqparat – Shymkentte «Rýhanı jańǵyrýdaǵy BAQ-tyń mańyzy» baıqaýynyń jeńimpazdary anyqtalady, dep habarlaıdy QazAqparat tilshisi.

Qalalyq Іshki saıasat jáne din isteri basqarmasynyń bastamasymen uıymdastyrylǵan baıqaýdyń jeńimpazdaryn anyqtaý maqsatynda komıssııa otyrysy ótti.

Baıqaý barysynda Shymkenttegi «Rýhanı jańǵyrý» aıasynda atqarylyp jatqan jumystardyń BAQ arqyly kórsetilgen aqparattar men beıne materıaldar usynylǵan bolatyn. Onda «Rýhanı jańǵyrý» memlekettik baǵdarlamasynyń «Básekelik qabilet», «Pragmatızam», «Ulttyq biregeılikti saqtaý», «Bilimniń saltanat qurýy», «Qazaqstannyń revolıýtsııalyq emes, evolıýtsııalyq damýy», «Sananyń ashyqtyǵy» baǵyttaryna sáıkes materıaldar mamandar tarapynan saralandy. Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdiń oryndalýyna qoldaý kórsetip, ony halyq arasynda keńinen nasıhattaǵan jýrnalısterdiń eńbekterin baǵalaý komıssııa múshelerine ońaıǵa soqpaǵan. Basty talaptar retinde ulttyq biregeılikti saqtaı otyryp, «Rýhanı jańǵyrý» qundylyqtaryn BAQ arqyly keńinen nasıhattaýǵa kóńil bólingen.

Baıqaýdyń qorytyndysy resmı túrde 20 jeltoqsan kúni jarııalanady dep kútilýde.