Shymkentte robottar saıysty
ShYMKENT. QazAqparat - Shymkentte «Roboshym-2018» birinshi ashyq ǵylymı-tehnıkalyq chempıonaty ótti. Ońtústik Qazaqstan memlekettik pedagogıkalyq ýnıversıtetinde ótken qalalyq jarysqa oqýshylarmen qatar kolledj jáne joǵary oqý oryndarynyń stýdentteri qatysty, dep habarlaıdy QazAqparat tilshisi.
Memleket basshysy N.Nazarbaevtyń bıylǵy Joldaýynda Qazaqstan ınnovatsııalyq damýy men jedel tehnologııalyq jańǵyrý joly aıtylǵan bolatyn. Osy oraıda ońtústiktiń oqýshylary men jastary aqparattandyrý salasy boıynsha tehnıkany tereń meńgerýge talpynyp, ashyq ǵylymı-tehnıkalyq chempıonatqa qatysty. «Qazrobotıks» federatsııasynyń óńirlik fılıaly uıymdastyrǵan sharada baǵyn synaǵan úmitkerler óz jobasyn eki baǵyt boıynsha korǵap shyqty.
Aldymen «kazrobosport» baǵyty boıynsha robottary kedergiden múdirmeı júrip ótti. Ekinshisi baǵytta árbir qatysýshy tól týyndysy «kazroboprojekt-te» synaldy. Tóreshiler ár bólimde úmitkerlerdi qatań qadaǵalap, eńbekterine baǵa berdi.
Chempıonat qorytyndysynda jeńimpaz atanǵandar oblystyq jarysqa joldama aldy. Al, oblystan jeńiske jetkender osy jyldyń qazan aıynda Petropavl qalasynda ótetin respýblıkalyq chempıonatqa qatysady dep kútilýde.
