Shymkentte «Ramazan qorjyny» taratylýda
Qasıetti Ramazan aıynda Shymkent qalasy ákimdigi men ortalyq meshit jamaǵaty ıgi isti qolǵa aldy. Qos taraptyń uıymdastyrýymen qalada «Ramazan qorjyny» qaıyrymdylyq sharasy ótip jatyr. Munda azyq-túlik salynǵan sebetter muqtaj otbasylarǵa taratylýda.
«Bul ıgi bastamaǵa qaladaǵy barlyq kásipkerler de qoldaý bildirýde. Kún saıyn estafeta túrinde muqtaj otbasylarǵa aýyzashar ornyna azyq-túlik salynǵan «Ramazan qorjyny» sebeti taratylýda. Onyń ishinde kúrish, qant, ósimdik maıy, shaı, un, makoron, táttiler, qurma t.b. taýar túrleri bar. Kópshilikti ıgi sharaǵa qoldaý bildirýge shaqyramyn», - dedi Shymkent qalasynyń bas ımamy Baqdaýlet Nurmatuly.
Aıta keteıik, ramazan aıynyń alǵashqy eki kúninde Shymkenttik 700 otbasyna «Ramazan qorjyny» berildi.
