Shymkentte provızorlyq oryndardyń 90 paıyzy bosady

ShYMKENT. QazAqparat – Shymkentte pnevmonııaǵa shaldyqqan naýqastardy emdeıtin provızorlyq oryndardyń 90 paıyzy bosaǵan. Bul týraly qalanyń densaýlyq saqtaý basqarmasy resmı málimet taratty, dep habarlaıdy QazAqparat tilshisi.

Basqarmanyń málimetinshe, emdeý mekemelerinde ınfektsııalyq aýrýǵa shaldyqqan naýqastardy emdeýge arnalǵan 2810 tósek-oryn bar. Onyń ishinde 650 ınfektsııalyq, 2160 provızorlyq tósek-oryn sanalady.

Búginde statsıonardaǵy tósek-oryndardyń 90 paıyzy bosaǵan. Qolaısyz epıdemıologııalyq ahýal kezinde COVID-19 ınfektsııasymen kúresý úshin medıtsınalyq uıymdarda 26 provızorlyq statsıonar jumys istegen bolatyn.

Sonymen qatar, shahardaǵy emhanalar janynan qurylǵan 133 mobıldi top táýlik boı̆y kómek kórsetip keledi.

Olar qazirgi tańǵa deı̆in 25 myńǵa jýyq naýqastyń úı̆ine baryp, medıtsınalyq qyzmet kórsetken.