Shymkentte prokýrorǵa para bermek bolǵan áıel 7 jylǵa sottaldy

ShYMKENT. QazAqparat – Shymkentte prokýrorǵa para bermek bolǵan kúdikti sottaldy. Oǵan tergeý barysynda jalǵan kásipkerlikpen aınalysqan jáne jetekshilik etken degen aıyp taǵylǵan bolatyn, dep habarlaıdy QazAqparat tilshisi.

Shymkent qalasy boıynsha sybaılas jemqorlyqqa qarsy is-qımyl departamenti kúdiktige qatysty tergeý sharalaryn júrgizip, aıaqtaǵan. Qylmystyq isti qaraǵan qalalyq prokýratýranyń basqarma bastyǵy orynbasaryna Tıkýnova K. 4 mln teńge kóleminde para bergen. Osy arqyly ol ózine qatysty qylmystyq isti qysqartýdy suraǵan.

Ál-Farabı aýdandyq soty keshe aıyptalýshyny atalǵan qylmystar boıynsha kináli dep taýyp, 7 jylǵa bas bostandyǵynan aıyrdy. Sottalýshynyń múlki tárkilenedi. Sottalýshy sondaı-aq, ómir boıyna kommertsııalyq uıymdarda nemese basqa da mekemelerde basshylyq qyzmet atqarý quqyǵynan aıyryldy.