Shymkentte prokýrordyń mas kúıinde rýlge otyrǵany aqyry dáleldenip, ol júrgizý quqynan aıyryldy
ASTANA. QazAqparat - Shymkentte ákimshilik soty búgin Jergilikti polıtsııa basshysy men oblystyq prokýratýranyń aǵa prokýrory Nurjan Polatovtyń arasynda daýǵa aınalǵan isti qarap, núktesin qoıdy, dep habarlaıdy QazAqparat.
Sot otyrysy kezinde 33 jastaǵy prokýrordyń rólge mas kúıde otyrǵanyn dáleldenip, ol úsh jylǵa kólik júrgizý quqynan aıyryldy
Eske salaıyq, 6 mamyr kúni Shymkenttiń jergilikti polıtsııa qyzmetkerleri oblystyq prokýratýra qyzmetkerin iship alyp, kólik júrgizdi dep aıyptaǵan bolatyn. Tipti onyń rýlde bolǵanyn dáleldeıtin beınejazbany jarııa etken edi. Alaıda qadaǵalaý organynyń ókili polıtseılerdiń oǵan qatysty ákimshilik hattama toltyrýyn zańsyz dep, sotqa keri shaǵym túsirdi. 19 maýsym kúni bul is Shymkent qalalyq ákimshilik sotynda qaralyp, sýdıa Nurlan Álıev prokýrordy kinásiz dep tapqan. Ári onyń shaǵymyn qanaǵattandyryp, polıtsııa qyzmetkerleriniń toltyrǵan hattamanyń kúshin joıdy. Alaıda mundaı sheshimmen kelispegen qalalyq Jergilikti polıtsııa bastyǵy Danııar Meırhan oblystyq sotqa shaǵymdandy. Búgin sot polıtseılerdiń áreketin durys dep taýyp, zańdy sheshim qabyldady.
Qazir sondaı-aq oblystyq prokýratýra aǵa prokýror Nurjan Polatovqa qatysty qyzmettik tekserý júrgilip jatqanyn habarlady. Ázirge sot sheshimi kúshine engenshe tekserý sharalary ýaqytsha toqtatylǵan. Elimizdiń Bas prokýratýrasy habarlaǵandaı, tekserý sharalarynyń qorytyndysyna sáıkes qadaǵalaý organy ókiliniń máselesi qaralatyn bolady. Tártiptik sharalar qoldanylyp, ol qyzmetinen ketýi de múmkin.
