Shymkentte probatsııa ortalyǵy ashyldy
ShYMKENT. QazAqparat - Shymkent qalasynda probatsııa ortalyǵy ashyldy. Ortalyqtyń ashylý saltanatyna qala ákimi men qala prokýrory jáne Qylmystyq-atqarý júıesi departamentiniń basshylary qatysty, dep habarlaıdy QazAqparat tilshisi.
Sottalǵandarǵa kómek kórsetetin ortalyq QR Bas prokýratýranyń «Resotsıalızatsııa: Sen qoǵamǵa kereksiń!» jobasy aıasynda qolǵa alynyp otyr. Ortalyqtyń ózge probatsııa úılerinen artyqshylyǵy, jumyspen qamtý ortalyǵynyń, densaýlyq saqtaý jáne bilim berý salasynyń mamandary, sondaı-aq psıholog pen sotsıolog bir ortalyqta qyzmet kórsetedi. Qabyldaýdy «bir tereze» qaǵıdasy negizinde júrgizýdiń nátıjesinde esepte turǵan tulǵalarǵa kórsetiletin qyzmetter 4-5 kúnnen 1-2 saǵatqa deıin qysqartylǵan.
«Ortalyqta probatsııalyq esepte turǵan 1134 adamǵa - psıhologııalyq, 63 adamǵa - quqyqtyq, onyń ishinde 35-ine jergilikti atqarýshy organ tarapynan bólingen kvota boıynsha jumysqa ornalasý úshin qujat daıyndaýǵa kómek kórsetiledi»,- dedi Maqsat Qojabaev.
