Shymkentte Prezıdent Joldaýy jańa formatta túsindirildi

ShYMKENT. QazAqparat - Shymkentte Prezıdent joldaýy jańa formatta túsindirildi. Qala aktıvi bas qosqan jıynda basqarma basshylary mańyzdy qujat týraly pikirlerimen bólisip, Joldaýdyń tarmaqtaryna sáıkes naqty josparlaryn jetkizdi, dep habarlaıdy QazAqparat tilshisi.

Aktıv otyrysynda negizinen kásipkerlik pen týrızmdi damytý, kommýnaldyq ınfraqurylymdy jaqsartý, mektepter men balabaqshalar salý, memlekettik qyzmet kórsetý sapasyn arttyrý jáne jastardy qoldaý máseleleri sóz boldy.

Máselen, Kásipkerlik jáne ındýstrıaldy-ınnovatsııalyq damý basqarmasynyń basshysy Áset Ábdirahanov Shymkentte «Jol kartasy-2020» baǵdarlamasynyń júzege asý nátıjesin aıtyp ótti.

Onyń sózinshe, baǵdarlama qalada myńdaǵan jańa jumys ornyn ashýǵa múmkindik bergen jáne bul baǵytta jumys jalǵasyn tabady dep sendirdi. Al, Bilim basqarmasynyń basshysy Aqerke Abylaıhan keler jyly Shymkentte 10 mekteptiń qurylysy bastalatynyn atap ótti. Onyń ekeýi jergilikti bıýdjetten salynsa, qalǵany - respýblıkalyq bıýdjetten soǵylatyn boldy.



Sondaı-aq, jıynda EjKSh basqarmasynyń basshysy Nurlan Amanqulov kommýnaldyq sektordyń damýy týraly baıandama jasap, qala ákimi halyqty káriz júıesimen qamtamasyz etýdi joǵary deńgeıge kóterý týraly tapsyrma bergenin tilge tıek etti.