Shymkentte poıyz astyna túsip ketken jasóspirim aıaǵynan aıyryldy
ShYMKENT. QazAqparat - Shymkentte toǵyz jastaǵy balany poıyz basyp ketti. Keleńsiz jaǵdaı bes kún buryn qalanyń irgesindegi Toǵys aýylynda bolǵan, dep habarlaıdy QazAqparat HAA tilshisi.
«Qazyǵurt» stansasy Jelilik polıtsııa bóliminiń bastyǵy Ádil Saırambaevtyń sózinshe, taýar tasıtyn jekemenshik poıyz Shymkenttegi tsement zaýytyna tıesili bolǵan.
«9 jastaǵy bala mektep-ınternattyń tárbıelenýshisi eken. Ony ákesi ótken beısenbide úıine alyp keledi. Olardyń úıi temir joldyń boıynda ornalasqandyqtan, bala sol jerde oınap júrgen. Al, keleńsiz jaǵdaı oryn alǵan kúni 22 vagon tıelgen otarba Toǵys aýylynan tas alyp kele jatqan. Aýyl shetinen jaı jyldamdyqpen ótip bara jatqan poezdyń sońǵy vagonyna bala baryp jarmasqan. Sol kezde oń aıaǵy poezdyń astyna kirip ketipti»,-deıdi Ádil Saırambaev.
Qalalyq balalar aýrýhanasyna jetkizilgen jetkinshektiń jaǵdaıyn dárigerler aýyr dep baǵalaýda. Onyń oń aıaǵyn kesip tastaýǵa týra kelipti. Sóıtip, oınap júrip ot basqan bala múgedek bolyp qalǵan. Qazir osy derek boıynsha sotqa deıingi tergeý sharalary júrgizilip, Qylmystyq kodekstiń 344-baby «Temirjol, áýe, teńiz nemese ózen kóligi júrisi nemese olardy paıdalaný qaýipsizdigi qaǵıdalaryn buzý» boıynsha is qozǵalǵan.
