Shymkentte polıtsııanyń kólikterin órtegen 3 kúdikti ustaldy

NUR-SULTAN. QazAqparat – Qańtardaǵy oqıǵalarǵa baılanysty beınekameralar jazbalaryna tolyq taldaý júrgizilip jatyr. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Terrorlyq shabýyldarǵa ushyraǵan barlyq qalada qaıǵyly oqıǵalardyń mán-jaılary tekserilýde. Saýda úılerdiń, bankterdiń, memlekettik mekemelerdiń jáne basqa da obektilerdiń beınekameralarynyń jazbalaryna taldaý júrgizilip jatyr. Atap aıtqanda, Óskemende «Halyq bank» fılıalynyń kamerasynan alynǵan beınejazbany qarap shyǵý nátıjeleri boıynsha qala turǵyndary azamat «A» jáne «S» anyqtaldy. Olar aldymen polıtsııa qyzmetkerlerine tastardy laqtyryp, sodan keıin olarǵa armatýramen dene jaraqatyn saldy. Eki qylmysker qamaýǵa alyndy», - dedi E. Qılymjanov Ortalyq kommýnıkatsııalar qyzmetinde.

Budan bólek ol Shymkent qalasynda arnaıy is-sharalardy júrgizý nátıjeleri boıynsha qańtar oqıǵalary kezeńinde 3 polıtsııa avtokóligin órtep, tonaýǵa qatysqan 3 turǵyn áshkere bolǵanyn atap ótti.

Budan buryn habarlanǵandaı, qańtar oqıǵasyna qatysty sot sanktsııalarymen 627 kúdikti adam qamaýda otyr.

Sonymen qatar, Taldyqorǵanda memlekettik nysandardy basyp alý qatysýshylaryn qarjylandyrǵandar anyqtaldy.