Shymkentte polıtsııaǵa qarsylyq kórsetken júrgizýshi men jolaýshyǵa 5 hattama toltyryldy
Qalalyq PD baspasóz qyzmetiniń málimetinshe, jol boıynda qadaǵalaý jumystaryn júrgizgen polıtseıler jol erejesin buzǵan «LADA 21703» kóligin toqtatqan. Alaıda tártip saqshylarynyń aıtqanyna kónbegen júrgizýshi izin sýytýǵa tyrysqan. 2,5 shaqyrymdaı jerge qashqan júrgizýshini 4 ekıpaj patrýldik polıtsııasy toqtatty. Tekserý barysynda júrgizýshi de, onyń jolaýshysy da zańǵa baǵynýdan bas tartqan. Medıtsınalyq kýálandyrýdan ótkennen keıin ustalǵandar ýaqytsha beıimdeý jáne detoksıkatsııa ortalyǵyna jetkizildi. Al, júrgizýshige qatysty QR ÁQBtK-niń 613-baby 1-bólimi (ishki ister organdary (polıtsııa) qyzmetkeriniń kólik quralyn toqtatý týraly zańdy talabyn oryndamaý), 608-baby 1-bólimi (júrgizýshiniń kólik quralyn alkogoldik masań kúıde basqarýy), 612-baby 1-bólimi (júrgizýshi kýáligi joq júrgizýshiniń kólik quralyn júrgizýi), 230-baby 2-bólimi (mindetti saqtandyrý shartyn jasamaý), 593-baby 2-bólimi (qaýipsizdik beldikterin paıdalaný qaǵıdalaryn saqtamaý) boıynsha hattama toltyrylǵan.