Shymkentte polıtsııa qyzmetkerlerine kúsh kórsetken azamattardyń ústinen qylmystyq is qozǵaldy
ShYMKENT. QazAqparat – Shymkentte polıtsııa qyzmetkerlerine kúsh kórsetken azamattardyń ústinen qylmystyq is qozǵaldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
«Jeltoqsannyń 28-inde oryn alǵan Shymkent QPD Ál-Farabı APB-nyń 3 polıtsııa qyzmetkerine kúsh qoldaný faktisi boıynsha QR QK-niń 380-baby 3-bóligi 1-tarmaǵymen (Bılik ókiline qatysty kúsh qoldaný) sotqa deıingi tergep-tekserý amaldary júrgizilýde. Atalǵan bap boıynsha jeti jyldan on eki jylǵa deıin bas bostandyǵynan aıyrý jazasy belgilenedi. Qazirgi tańda, Shymkent QPD Ál-Farabı APB-men QR QPK-niń 128-babyna sáıkes 3 kúdikti ustalyp, ýaqytsha qamaý abaqtysyna jabyldy» delingen habarlamada.
Polıtsııa departamentiniń málimetine saı, qazirgi kezde tıisti tergeý amaldary jalǵasýda.
