Shymkentte polıtsııa qyzmetkeri kólik urylaryn qylmys ústinde ustady

ShYMKENT. QazAqparat - Shymkentte kólik urysy qylmys ústinde polıtsııa qyzmetkerleriniń qolyna tústi. Bul týraly Shymkenttiń Jergilikti polıtsııa qyzmeti habarlady, dep jazady otyrar.kz.

Shymkent qalasynyń ortalyǵyndaǵy Beıbitshilik kóshesinde belgisiz eki adam aýlada turǵan kólikterdiń birin tonap ketpek bolǵan. Qaskóıler Mercedes markili kóliginiń artqy esigin ashyp, ishinen qundy zattardy izdestire bastaǵan. Shymkenttiń Jergilikti polıtsııa qyzmetiniń ınspektory oqıǵanyń ústinen tústi. Osy sátte polıtsııa qyzmetkeri aımaqty sholyp júrgen bolatyn.

«Polıtsııa qyzmetkerin baıqap qalǵan qaskúnemder jan-jaqqa qasha bastaıdy. Inspektor olardyń birin qolǵa túsirdi. Ol elimizde júrgen Qyrǵyzstan azamaty bolyp shyqty»,-dep habarlady polıtsııa qyzmetkerleri.

1993 jylǵy ustalǵan azamat óziniń sybaılasymen birge kóliktiń esigin buzyp jatqanda beınebaqylaý kamerasyna túsip qalǵan.

Osy kezde atalǵan oqıǵa boıynsha sotqa deıingi tergeý jumystary júrip jatyr. Qazirgi tańda ustalǵandardyń ózge de qylmystarǵa qatystylyǵy anyqtalýda. Ekinshi kúdiktini izdeý jumystary júrip jatyr.