Shymkentte polıtsııa kapıtany 500 myń teńge para alǵany úshin qamaldy

NUR-SULTAN. QazAqparat - Bopsalaý arqyly para aldy dep kúdikke ilingen Shymkent qalasyndaǵy polıtsııa departamenti jeke qaýipsizdik bóliminiń aǵa kapıtanyna qatysty sotqa deıingi tergeý bastaldy. Bul jóninde QazAqparat QR sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

«Atalǵan qyzmetke Іshki ister mınıstriniń buıryǵymen taǵaıyndalǵan, sybaılas jemqorlyqpen kúresýge jáne aldyn alý jumystaryn júrgizýge mindetti polıtsııa kapıtany Shymkent qalasyndaǵy patrýl polıtsııa ınspektorynan jumystan bosatý túrindegi tártiptik jaza qoldanbaǵany úshin, sondaı-aq jumys boıynsha jalpy qamqorlyq jasaý úshin 500 myń teńge para aldy dep kúdikke ilinip otyr» delingen habarlamada.

Kúdikti qamaýǵa alyndy. Tergeý amaldary jalǵasýda.

Onyń kinásiniń dárejesin anyqtaıtyn aqyrǵy sheshimdi sot qabyldaıdy.