Shymkentte polıtsııa ekıpajymen bolǵan jol apatyna jeńil avtokóliktiń júrgizýshisi kináli
ShYMKENT. QazAqparat - Shymkentte polıtsııa ekıpajymen bolǵan jol-kólik oqıǵasyna jeńil avtokóliktiń júrgizýshisi kináli. Oblystyq ІІD baspasóz qyzmetiniń málimetinshe, eki kólik «Nıssan» júrgizýshisiniń tártip saqshylaryna jol bermeý saldarynan soqtyǵysqan, dep habarlaıdy QazAqparat HAA tilshisi.
«Shymkent qalasyndaǵy Qazybek bı men Tórequlov kósheleriniń qıylysynda oryn alǵan jol apatyn tekserý barysynda anyqtalǵany: «Nıssan» avtokóligin basqaryp kele jatqan Shymkent qalasynyń 1983 j.t turǵyny Tórequlov kóshesimen Qazybek bı kóshesiniń qıylysynda (baǵdarsham jumys istemeı turǵan) DUQ men arnaıy jaryq belgisi qosylǵan «Kıa» avtokóligine jol bermeı soqtyǵysqan. Saldarynan eki kólikke de materıaldyq shyǵyn kelgen. Atalǵan jaıt boıynsha 34 jastaǵy «Nıssan» avtokóliginiń júrgizýshisine QR ÁQBTK«Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵy» 610-baby 1-tarmaǵymen ákimshilik hattama toltyryldy» delingen baspasóz qyzmeti taratqan habarlamada.
Qazirgi tańda osy oqıǵa boıynsha birqatar saraptamalar taǵaıyndalyp, anyqtaý jumystary júrgizilýde.
