Shymkentte polıtsııa beketterin qıratyp jatyr
ShYMKENT. QazAqparat - Shymkentte qaraýsyz qalǵan polıtsııa beketteri qıratylyp jatyr. Olardyń aınalasy kúl-qoqysqa tolyp, terezeleri synǵan. Aıaldama qyzmetin atqaryp turǵandary da kezdesedi, dep habarlaıdy QazAqparat tvk-uko saıtyna silteme jasap.
Málim bolǵandaı, bul máselege bas qatyryp jatqan quzyrly organ joq. Mysalǵa, Temirlan tasjolyndaǵy polıtsııa beketiniń qańyrap bos turǵanyna 2 jylǵa jýyqtaǵan. Onyń irgetasy úgitilip, esiginiń tutqasy túsip qalǵan. Onymen qosa, aınalasynda janýar qańqasy men bos bótelkeler shashylyp jatyr. Bir qyzyǵy joldyń qarsy betinen taǵy bir polıtsııa beketi ashylǵan. Biraq ol da kóp uzamaı eshkimge kerek bolmaı qalǵan.
«Kózimizge ilikken kelesi beket ál-Farabı kóshesinde ornalasqan. Bul nysannyń jaǵdaıy shynymen de aıanyshty. Terezesi túgel synǵan. Mańy qoqys polıgony sekildi. Qıraǵan beket qazir aıaldamaǵa aınalǵan. Qoǵamdyq kólik jolaýshyny osy jerden jınap jatyr. Al adam aıaǵy saıabyrsyǵanda kóleńkesinde qańǵybas ıtter tynyǵady», - dep habarlaıdy telearna.
«Myna aýrýhanaǵa san márte keldim. Jumys istegenin áli kúnge kórmeppin. Buzaqylar kelip terezesin syndyrǵanyn óz kózimmen kórdim», - deıdi qala turǵyny Mahambet Datqaev.
Al beketter mańdaıshasynda polıtsııa dep jazylǵanymen, tártip saqshylary nysandar ózderiniń menshigine jatpaıtynyn aıtýda. Sebebin standartqa saı emestigimen túsindirdi. Al oblys jáne qala ákimdiginiń ókilderi bul máselege mardymdy jaýap qatpady. Sondyqtan memleket qarjysyna salynǵan beketter kúıi basy ashyq qalyp otyr.
