Shymkentte polıtseıler sýǵa batyp bara jatqan múgedek balany qutqaryp qaldy
ShYMKENT. QazAqparat - Shymkentte polıtseıler sýǵa batyp bara jatqan múgedek balany qutqaryp qaldy. Mylqaý jasóspirim ózenge aıaq kıimi túsip ketip, almaq bolǵan kezde ózenge qulap ketken eken, dep habarlaıdy «QazAqparat HAA tilshisi.
Demalys kúni keshki ýaqytta Badam ózeni boıynda ornalasqan Jergilikti polıtsııa qyzmeti statsıonarlyq beketiniń qyzmetkerleri adamdardyń kómekke shaqyrǵan daýysyn estıdi. Polıtseıler oqıǵa ornyna barǵan kezde jasóspirimniń sýǵa batyp bara jatqanyn baıqaǵan. Tártip saqshylary birden kómekke júgiredi. Shymkent QІІB JPQ qyzmetkeri, polıtsııa serjanty Erlan Aıtmuhamedov sýǵa súńgip, balany ózennen aman alyp shyǵyp, alǵashqy kómek kórsetedi.
Bala ózenniń aǵysy qatty bolǵandyqtan óz kúshimen jaǵaǵa shyǵa almapty. Keıinnen polıtseıler jasóspirimdi úıine aparyp, týystaryna tabystady.
