Shymkentte polıtseıler geroın satýshylardy qolǵa túsirdi
ShYMKENT. QazAqparat - Shymkentte polıtseıler geroın satýshylardy qolǵa túsirdi. Kúdiktilerdiń úıinen de esirtki zattary tabylǵan, dep habarlaıdy «QazAqparat» HAA tilshisi.
OQO ІІD esirtkige qarsy kúres basqarmasynyń qyzmetkerleri jedel izdestirý sharalaryn júrgizý barysynda eki seziktini ustady. 1986 jáne 1975 jyly týǵan kúdiktiler Voroshılovka eldi mekeninde geroın saýdalap kelipti. Úılerinen 4 polıetılen paketke oralǵan aq untaq zat tabylǵan. Sot-medıtsınalyq saraptama qortyndysyna saı bul zat 8 gr. geroın ekenin anyqtady.
Qazirgi tańda kúdiktilerge qatysty Qylmystyq kodekstiń eki birdeı baby: 297 - «sirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý», 296 - «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» boıynsha is qozǵaldy. Kúdiktiler qamaýǵa alynyp, tergeý amaldary júrgizilýde.
