Shymkentte polıtseıler bir táýlikte 379 ákimshilik quqyq buzý áreketin anyqtady
Bul týraly Shymkent qalalyq Polıtsııa departamentiniń baspasóz qyzmeti habarlady.
Baspasóz qyzmetiniń málimetterine qaraǵanda, «Taza qala» is-sharasynyń maqsaty qoǵamdyq oryndarda jáne qala kóshelerinde tártipti saqtaýǵa, abattandyrý jáne sanıtarlyq normalar erejelerin buzýdyń aldyn alýǵa, qoǵamdyq oryndardyń lastanýshylar, belgilenbegen oryndarda kommýnaldyq qaldyqtardyń tastaıtyndardy, ekologııalyq quqyq buzýshylyqtardy anyqtaýǵa jáne jolyn kesýge baǵyttalǵan.
Sondaı-aq, atalǵan is-shara barysynda qańǵybastar men qaıyrshylardy anyqtaý, olardy ustaý jáne arnaıy qabyldaý-taratý ornyna ornalastyrý, olar boıynsha ákimshilik sharalar qabyldaý, turǵylyqty jeri boıynsha esepte turǵan adamdardy tekserý, izdeýdegi adamdardy ustaý, avtokólikti jóndeý oryndary men temir qabyldaý pýnktterin tekserý jumystary júrgizilýde.
Іs-sharanyń bir táýliginde barlyǵy 379 ákimshilik quqyq buzýshylyq anyqtaldy.
Onyń ishinde QR ÁQBtK-niń 505-baby (Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý) boıynsha - 146 quqyq buzýshylyq tirkeldi;
- QR ÁQBtK-niń 434-2 baby (kommýnaldyq qaldyqtardy tastaý) boıynsha - 67 jaıt;
- QR ÁQBtK-niń 334 baby (Shyǵaryndylarda lastaýshy zattardyń bolýy normatıvterden asyp ketetin avtomotokólikterdi jáne basqa da jyljymaly quraldardy paıdalaný) boıynsha 18 quqyq buzýshylyq anyqtalyp ákimshilik jaýapqa tartyldy;
- QR ÁQBtK-niń 630 baby (Joldardy, temirjol ótpelerin jáne basqa jol qurylystaryn búldirý) boıynsha 52 jáne ózge de quqyq buzýshylyqtar anyqtaldy.
«Jalǵa beriletin 223 páter tekserildi.
Odan bólek, qaıyrshy bolyp júrgen 35 tulǵa anyqtalyp, qabyldaý-taratý ornyna ornalastyryldy.
Sonymen qatar, karantın rejımin buzý jaıttaryn anyqtaý maqsatynda arnaıy top qurylyp, karantın rejımin saqtamaǵan jalpy 43 nysan anyqtaldy»,-delingen habarlamada.