Shymkentte polıtseıler arasynda fýtboldan jarys ótti
Saıysqa QR UU-nyń 6506 áskerı bólimi men TJD, mamandandyrylǵan kúzet qyzmeti basqarmasy men Qylmystyq atqarý júıesi departamenti, Іshki ister jol bólimi men QR ІІM Shymkent q. Oqý ortalyǵynyń qyzmetkerlerinen quralǵan komandalar qatysty.
Qazaqstan polıtsııasy qyzmetkerleriniń oń ımıdjin nyǵaıtý men qyzmetkerler arasynda sportty, onyń ishinde shaǵyn fýtboldy keńinen nasıhattaý maqsatynda uıymdastyrylǵan jarysta qalalyq Polıtsııa departamentiniń bastyǵy polıtsııa polkovnıgi E.Jýmahanbetov sóz sóılep, oıynshylarǵa sáttilik tiledi. Oıynnyń jerebe tastaý dástúri boıynsha komandalar tórt topqa bólinip, qyzý tartysty fýtboldyń úlgisin kórsetti.
Nátıjesinde aqtyq saıysqa shyqqan toptar qatarynda qalalyq QPD Ál-Farabı APB komandasy jeńip, birinshi orynnyń júldesin qanjyǵasyna baılady. Al, ekinshi oryndy Shymkent qalasy boıynsha Tótenshe jaǵdaılar departamentiniń qyzmetkerlerinen quralǵan komanda ıelense, úshinshi oryndy Shymkent q. JPQB Patrýldik polıtsııa polkiniń qyzmetkerlerinen quralǵan komandasy jeńip aldy.
Barlyq jeńimpazdar baǵaly syılyqtar men alǵys hattarmen marapattaldy. Sonymen qatar, komandalardyń ishinen belsendi qatysqan úzdik oıynshylarǵa da arnaıy syılyqtar tabys etildi.