Shymkentte polıtseıler 100 adamdyq toıdyń ústinen tústi

ShYMKENT. QazAqparat - Shymkentte karantındi elemeı, toı ótkizý faktileri tyıylmaı tur, dep habarlaıdy QazAqparat qalalyq polıtsııa departamentine silteme jasap.

Shymkent qalasy Eńbekshi aýdany polıtsııa basqarmasynyń qyzmetkerleri karantın talaptarynyń saqtalýy boıynsha kúndelikti reıd júrgizýde.

Kezekti tekserý barysynda mobıldi top ókilderi karantın erejesin óreskel buzý jaıttaryn anyqtady.

Máselen, Shymkent qalasy Joldasbekov kóshesinde ornalasqan «Kóksaraı» meıramhanasynda jıyn ótip jatqany belgili boldy. Tártip saqshylary 50 adam jınalǵan sharaǵa kelýshilerge túsindirme jumysyn júrgizip, jınalǵan qaýymdy tarqatty.

Sondaı-aq Shymkent qalasy Spataev kóshesinde ornalasqan «Kerýen saraı» meıramhanasynda úılený toıyn ótkizgender anyqtaldy. Merekelik sharaǵa tosynnan kirip barǵan tártip saqshylary onda 100-den asa azamat jınalǵanyn anyqtady.

Atalǵan jaıttar boıynsha toı ótkizgen tulǵalar men nysan ıelerine QR ÁQBtK 425-babymen ákimshilik hattama toltyryldy.

Óz kezeginde Eńbekshi aýdany polıtsııa basqarmasynyń qyzmetkerleri karantın talaptaryn saqtap, betperde taǵyp, araqashyqtyqty saqtaý kerektigin eskertedi.