Shymkentte polıtseıge para bermek bolǵan turǵyn ustaldy

ShYMKENT. QazAqparat – Shymkentte polıtseıge 20 myń teńge para bermek bolǵan turǵyn ustaldy. Kúdikti óziniń tanysyna tonaý qylmysy boıynsha is qozǵamaýdy suraǵan, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, ustalǵan azamattyń tanysy Qylmystyq kodekstiń 191-babynyń 2-bóligi (Birneshe ret tonaý) boıynsha sotty bolǵan. Alaıda ol arnaıy aımaqaralyq sotymen belgilengen shekteýdi túngi ýaqytta buzǵan. Para berýshi tanysy úshin shara qoldanbaýyn surap, jergilikti polıtsııa qyzmetiniń qyzmetkerine para retinde 20 000 teńge kóleminde aqshalaı qarajat usynǵan.

«Polıtsııa qyzmetkeri atalǵan jaıt boıynsha Ózindik qaýipsizdik basqarmasyna habarlap, para berýshi aqshany usynyp jatqan kezinde qolǵa tústi. Qazirgi tańda ustalǵan qala turǵynyna qatysty kórineý zańsyz áreketter jasaǵany úshin laýazymdy tulǵaǵa para berý boıynsha sotqa deıingi tergep-tekserý amaldary bastaldy»,- delingen habarlamada.