Shymkentte polıtseı otqa oranǵan úıden er azamatty alyp shyqty
ShYMKENT. QazAqparat - Shymkentte polıtseı órtenip jatqan úıden er azamatty alyp shyqty. Ol denesiniń kúıip qalǵanyna qaramastan jalyndy aýyzdyqtaýǵa atsalysqan, dep habarlaıdy QazAqparat tilshisi.
Túrkistan oblystyq ІІD baspasóz qyzmetiniń málimetinshe, atalǵan oqıǵa Qazyǵurt móltekaýdanynda bolǵan.
«Turǵyn úılerdiń birinde gaz ballony jarylyp, órt shyqqan. Polıtsııa kapıtany Nurlan Tasbolatov óz ómirine qaýip tónip tursa da, otqa oranǵan úıden er azamatty alyp shyqqan. Nurlan ary qaraı órtti sóndirýge belsene kómektesedi. Qutqarýshylar jetkenshe qarap turmaı, órt sóndirgish quraldardyń kómegimen jalyndy sóndire bastaǵan polıtsııa qyzmetkeriniń ózin de kúıik shaldy»,- delingen habarlamada.
Osylaısha Nurlan Tasbolatov kózsiz erlik kórsetken. Qazirgi tańda polıtsııa qyzmetkeri aýrýhanada em qabyldap jatyr. Dárigerler onyń jaǵdaıyn birqalypty dep otyr.
Aıta keteıik, Túrkistan oblysy ІІD Jyldam qımyldaıtyn arnaıy jasaqtyń aǵa ınspektory, polıtsııa kapıtany Nurlan Tasbolatov Іshki ister organdarynda 2012 jyldan beri qyzmet atqaryp keledi. Joǵary bilimdi zańger. Bokstan sport sheberi. Ujymda ózin jaqsy qyzmetker retinde kórsetip keledi. Jubaıy ekeýi 2 qyz, 1 ul tárbıelep otyr. 
