Shymkentte polıtseı boıjetkendi ishinen uryp qulatty
ShYMKENT. QazAqparat - Shymkentte polıtseı boıjetkenge kúsh kórsetip, ishinen bir urǵan, dep habarlaıdy QazAqparat HAA tilshisi.
Keleńsiz oqıǵa búgin tańerteń qaladaǵy dámhanalardyń biriniń aldynda bolǵan. Kýágerler túsirgen beınetúsirilimde kórsetilgendeı, bes polıtseı bir jigit pen eki boıjetkendi dámhananyń aldynda kúshtep kólikke otyryzǵysy kelgen. Alaıda kóliktiń ishindegi olarǵa qarsylyq tanytady. Oǵan kómektespek bolǵan boıjetkendi tártip saqshylarynyń biri uryp jibergen.
Bul soqqydan keıin boıjetken ishin ustap, otyryp qalǵany túsirilgen. Tártip saqshylarynyń dóreki áreketinen soń dámhananyń daıashylary men ózge jolaýshylar boıjetkenge kómekke kelgen. Osy oqıǵany uıaly telefonǵa túsirip alǵandar beınetúsirilimdi áleýmettik jelige jarııalaǵan.
"Beınetúsirilim boıynsha qazir tekserý jumystary bastalyp ketti. Ondaǵy azamatshalar men tártip saqshylarynyń kim ekeni anyqtalyp jatyr. Bul jóninde tolyqqandy aqparatty erteń, barlyq jaǵdaı anyqtalǵan soń beremiz", - deıdi OQO ІІD baspasóz qyzmetiniń jetekshisi Saltanat Qarakózova.
