Shymkentte polıtseı blokposttan kedergisiz ótkizgeni úshin para alý kúdigine ilikti

NUR-SULTAN. QazAqparat – Shymkentte blokposttan kedergisiz ótkizgeni úshin para alý kúdigine ilikken polıtseı ustaldy. Bul týraly ondaın brıfıngide QR Sybaılas jemqorlyqqa qarsy is-qımyl agenttiginiń Apparat basshysy Qýanysh Japaqov málim etti, dep habarlaıdy QazAqparat tilshisi.

Onyń sózine qaraǵanda, Shymkent qalasy Polıtsııa departamenti jol-patrýldik polıtsııa polkiniń polıtseıine qatysty qylmystyq is qozǵaldy. Ol eldegi tótenshe jaǵdaıǵa baılanysty qyzmettiń kúsheıtilgen tártibindegi jumysy kezinde jaýapkershiligi shekteýli seriktestik ókilinen 25 myń teńge somasynda para aldy degen kúdikke ilindi.

Atalǵan JShS ókilin ruqsat qujatynsyz kóshe boıyndaǵy ishki blokposttan kedergisiz ótkizýge, sondaı-aq TJ rejımin buzǵany úshin ákimshilik jaýapkershilikke tartpaýǵa kelisken.