Shymkentte polıtseı 2 mln teńge para aldy degen kúdikke ilindi
Shymkenttik polıtsııa qyzmetkeriniń 2 mln teńge paramen ustalǵany týraly aqparat áleýmettik jelide tarady. Al, atalǵan másele boıynsha jaýap bergen qalalyq polıtsııa departamentiniń baspasóz qyzmeti bul aqparatty rastady.
Abaı aýdandyq polıtsııa basqarmasynyń qyzmetkeri Qarataý aýdandyq soty úkiminiń oń shyǵarylýyna járdemdesý úshin alaıaqtyq qylmysyna qatysy bar azamattan 2 mln teńge kóleminde qarajat alý barysynda ustalǵan.
«Bul fakti boıynsha Polıtsııa departamentiniń Ózindik qaýipsizdik basqarmasy QR QK-niń 190-babymen «Alaıaqtyq» qylmystyq is tirkedi. Quqyq buzýshylyqty jasaǵan qyzmetker ýaqytsha ustaý abaqtysyna qamaýǵa alyndy. Qazirgi tańda sotqa deıingi tergep-tekserý áreketteri júrgizilip jatyr», - delingen Shymkent qalasy polıtsııa departamenti baspasóz qyzmetiniń bergen jaýabynda.
