Shymkentte pnevmonııamen kúreste EKMO apparaty qoldanylýda

ShYMKENT. QazAqparat – Shymkent qalasyndaǵy kardıologııalyq ortalyqta pnevmonııaǵa shaldyǵyp, densaýlyǵy kúrt tómendegen naýqastardy ekstrakorporaldi membranaly oksıgenatsııalyq (EKMO) apparatyna qosyp emdep jatyr. Mamandar bul qurylǵyny IVL apparatyna qosymsha kómek retinde paıdalanýda, dep habarlaıdy QazAqparat tilshisi.

Qalalyq kardıologııalyq ortalyq janynan ashylǵan EKMO ortalyǵyna shahardyń ózge aýrýhanalarynan densaýlyǵy nasharlaǵan naýqastar jetkizilýde. Dárigerler naýqastardy osy tásilmen emdeýde.

«EKMO apparaty – ókpe qabynyp jumysy qatty nasharlaǵan kezde qandy ottegimen qamtamasyz etedi. ıAǵnı, adamnyń kúre tamyrlarynan arnaıy tútiksheler arqyly apparatqa qosyp, EKMO-ǵa quıylǵan qanǵa qajetti deńgeıde ottegi beriledi. Sosyn qaıta adam aǵzasyna jiberiledi. Osynyń arqasynda qan aınalymy jaqsarady. Atalǵan qurylǵy naýqasqa der kezinde kómek kórsetýge múmkindik beredi», - deıdi Shymkent qalalyq kardıologııalyq ortalyqtyń dırektory Ermaǵanbet Qýatbaev.

Kúni búginge deıin bul apparatqa 5 naýqas qosylyp, onyń biriniń densaýlyǵy jaqsarǵan. Mamandar aldaǵy aptada saýyqqan naýqastardy úılerine qaıtarýdy josparlap otyr. Pnevmonııanyń el arasynda keńinen taralýyna oraı EKMO ortalyǵynda 35 tósek-oryn daıyndalǵan. Shymkenttik kardıologtar ózge oblystardaǵy áriptesteriniń de EKMO apparatyn osy bir indetke qarsy kúreste qoldanýyn keńes beredi. Biraq EKMO-ny adam aǵzasyna qosý úshin kardıohırýrg, anestezıolog-reanımatolog, perfýzıolog syndy mamandar komandasy qajet. Dese de, jumystyń 80 paıyz aýyrtpashylyǵy medbıkelerdiń moınynda bolatyn kórinedi.

Aıta keteıik, júıeli jumystyń arqasynda kúni búginge deıin qalalyq kardıologııalyq ortalyqtyń birde-bir qyzmetkeri jaman indetti juqtyrmaǵan.