Shymkentte PIK-terdi basqarýdyń ilki jobasy boıynsha aldyn ala jumystar bastaldy

Bul týraly búgin Bnews.kz portaly arqyly ótken onlaın-konferentsııa barysynda QR Qurylys jáne turǵyn úı-kommýnaldyq sharýashylyq isteri agenttigi departamentiniń dırektory Vasılıı Maslov málim etti.

Onyń atap ótýinshe, qazirgi ýaqytta elimizdegi PIK-ter óz betterinshe shtatqa adam qabyldap, úıdiń jóndeý jumystaryn júrgizedi. Bul oraıda olardyń basym bóliginiń biliktiligi tómen bolatyny da shyndyq. Al álemdik tájirıbede PIK-ter eshqandaı jóndeý jumystarymen aınalyspaıdy. Olardyń mindeti - turǵyndardyń ózderi sheshim shyǵarýy úshin qajetti aqparattardy jınap, ony durys rásimdep, tapsyrys berýshi rólin ǵana atqarý.

Álemdik osy tájirıbeni nazarǵa alǵan QR Qurylys jáne turǵyn úı-kommýnaldyq sharýashylyq isteri agenttigi Shymkentte PIK-terdi basqarýdyń ilki jobasy boıynsha aldyn ala jumystardy bastap otyr.

«Eger bul úlgi oń nátıje kórsetse, onda ony búkil elde taratýǵa múddelimiz. Bul ákimshilik sharalarmen júzege aspaıdy. Óıtkeni menshik ıeleriniń jalpy jınalysy ǵana sheshim qabyldaýǵa quqyly», - dedi V.Maslov.