Shymkentte PIK máseleleri talqylandy
Jıynǵa qala basshysy Ǵabıdolla Ábdirahymov tóraǵalyq etti. Sonymen qatar, qala aýmaǵyndaǵy belgilenbegen saýda oryndaryn joıý jumystarynyń jaǵdaıy týraly kásipkerlik bóliminiń esebi tyńdaldy. Abaı aýdanynda Páter ıeleri kooperatıvterin qurý boıynsha 453 kópqabatty turǵyn úıdiń 394-i kondomınıým nysany retinde tirkelgen. Bıyl qalǵan 41 kópqabatty turǵyn úılerdi kondomınıým nysany retinde ádilet basqarmasyna tirkeý maqsatynda turǵyndarmen kelisim hattamalary túzilgen. 12 kópqabatty turǵyn úıdiń topografııalyq túsirilimi alyndy.
Ál-Farabı aýdanynda 665 kópqabatty turǵyn úıdiń 559-i (84 paıyzy) kondomınıým nysany retinde tirkelgen. Al, qalǵan 106 úı boıynsha jumystar júrgizilip, 56 úıdiń tehnıkalyq tólqujattary daıyndaldy. Páter ıeleri kooperatıvterin qurý boıynsha túrli mekemelermen kelisim-shartqa otyryp, 448 kópqabatty turǵyn úıge, qysqa daıyndyq jumystaryn júrgizý, jylý, aýyz sý, káriz júıelerinde oryn alǵan kemshilikterdi der kezinde retke keltirý jáne úı aýlasymen kire beris aýlanyń sanıtarlyq tazalyq jumystaryn júrgizýde.
Eńbekshi aýdanynda qala ákiminiń tapsyrmasyna sáıkes, 630 úıdiń ishinde 22 kommýnaldyq úıler bolsa, 514 páter kondomınıým nysany retinde tirkelgen. Osyǵan oraı, «Kúnshyǵys» shaǵynaýdanynda 33 kópqabatty turǵyn úılerge jylý júıesi boıynsha qyzmet kórsetetin mekeme «Press» JShS-yn kópqabatty turǵyn úılerdi basqarý úshin óz jaýapkershiligine alýǵa usyndy.
Qarataý aýdanynyń aýmaǵynda 252 turǵyn úıdiń 49-y kommýnaldyq úıler bolyp, onyń ishinde kondomınıým nysany retinde 59 úı tirkeldi. Buǵan deıin servıstik kompanııalar turǵyn úılerge 5 qyzmet túrin kórsetken bolsa, aldaǵy ýaqytta basqarýshy kompanııa úıdiń shatyryn jóndeý, aýlalaryn sanıtarlyq tazalaý, jertóleni dezınfektsııalaý, balalar oıyn elementterin kútip ustaý jumystarymen qosa 13 qyzmet túrin qosa atqaratyn bolady.
Ekinshi másele boıynsha, Kásipkerlik bóliminiń basshysynyń mindetin atqarýshy Áset Ábdrahanovtyń aıtýy boıynsha retsiz saýda oryndaryna baılanysty 180 reıdtik is-shara uıymdastyryldy. Osy ýaqytqa deıin arnaıy belgilenbegen oryndarda saýda jasaýshy tulǵalarǵa, jergilikti polıtsııa qyzmetimen 3 626 ákimshilik hattama toltyrylyp, onyń ishinde 3092 tulǵaǵa eskertýler berilgen, jalpy somasy 6 394 815 teńge aıyppul salynyp jergilikti bıýdjetke 2 656 552 teńge kóleminde aıyppul óndirildi. Jınalys barysynda qala ákimi kásipkerlik bólimine jańa jyl merekesine deıin baǵa turaqtylyǵyn saqtaýǵa tapsyrma berdi. Ári, bazar ıelerimen kezdesip, bazardaǵy jaldaý (arenda) qunyn negizsiz ósirmeýdi aıtyp ótti.
