Shymkentte pedofıl zorlamaq bolǵan balanyń ákesi kóz jumdy
Ájesiniń sózinshe, 40 jastaǵy kúıeý balasy sol jaǵdaı oryn alǵannan keıin bir aptadan soń qaıtys bolǵan.
«Kúıeý balam júrek talmasynan kóz jumdy. Sebebi, bolǵan jaǵdaı ony qatty ýaıymǵa saldy. Mundaı sumdyqty eshkimge de tilemeımin. Januıasyn jalǵyz ózi asyrap kelgen. Qyzym tórtinshi perzentine júkti. Segiz aılyq bolyp qaldy»,-deıdi balanyń ájesi.
Eske salaıyq, jýyrda Shymkentte 11 jastaǵy balany zorlamaq boldy degen kúdikpen qala turǵyny ustalǵan bolatyn. Seziktiniń bul áreketi podezdegi beınekameraǵa túsip qalǵan. Artynsha bul túsirilimdi turǵyndar áleýmettik jelilerge taratyp jibergen bolatyn. Osy kórinis boıynsha qalanyń ishki ister qyzmetkerleri atalǵan qylmysqa qatysy bar degen turǵyndy qolǵa túsirip, ýaqytsha tergeý abaqtysyna japqan. Qazir bul qylmys boıynsha birneshe sot-medıtsınalyq saraptamalar taǵaıyndalyp, tergeý amaldary júrgizilýde.