Shymkentte patrýldik polıtsııa qyzmetkeri para aldy degen kúdikke ilindi
ShYMKENT. QazAqparat - Shymkentte patrýldik polıtsııa polkiniń qyzmetkeri 120 myń teńge para aldy degen kúdikke ilindi, dep habarlaıdy QazAqparat tilshisi.
Oqıǵa keshe bolǵan. Patrýldik polıtsııa polkiniń qyzmetkeri qala aýmaǵyndaǵy jol-kólik oqıǵasyna qatysty azamattan 120 myń teńge para alý kezinde qolǵa túsken.
«Atalǵan jaıt boıynsha tergep-tekserý amaldary júrgizilip jatyr. Sonymen qatar, Shymkent qalasy polıtsııa departamentiniń tarapynan sybaılas jemqorlyqqa qarsy is-sharalar turaqty túrde júrgizilip, atalǵan baǵyttaǵy máseleler qatań baqylaýda ekenin habarlaımyz», - delingen Shymkent qalasy polıtsııa departamentiniń baspasóz qyzmeti taratqan aqparatta.
