Shymkentte patrýldik polıtsııa ekıpajy jeńil avtokólikpen soqtyǵysty
ShYMKENT. QazAqparat - Shymkentte patrýldik polıtsııa ekıpajy jeńil avtokólikpen soqtyǵysyp qaldy. Qatty soqqydan eki kóliktiń de kúl talqany shyqqan, dep habarlaıdy QazAqparat HAA tilshisi.
Jol kólik oqıǵasy qaladaǵy Tórequlov pen Qazybek bı kósheleriniń qıylysynda bolǵan. Oqıǵa kýágerleriniń aıtýynsha, tártip saqshylary qatty jyldamdyqpen kelip, aldynda kele jatqan kólikti 30 metr jerge ushyryp jibergen. Abyroı bolǵanda eki júrgizýshi de, jolaýshylary da aman qaldy. Qazir óńirdiń ishki ister qyzmetkerleri jol oqıǵasyna kinálilerdi anyqtaýda. Eki júrgizýshi narkologııalyq saraptamadan ótip, ekeýiniń de ishimdik urttamaǵany belgili boldy. Dese de orta deńgeıde jaraqat alý saldarynan, alǵashqy medıtsınalyq kómek kórsetildi.
