Shymkentte páterlerdiń birinde shyqqan órt 10 jasar balanyń ómirin qıyp ketti
ShYMKENT. QazAqparat - Shymkentte páterlerdiń birinde órt shyǵyp, 10 jastaǵy bala kóz jumdy. Óńirdiń tártip saqshylary jektinshekti ózin ózi óltirgen dep boljaýda, dep habarlaıdy QazAqparat tilshisi.
Qaıǵyly jaǵdaı qaladaǵy 18-shi móltekaýdanda bolǵan. Páterlerdiń birinde gaz shyǵyp, sońynan ot tutanǵan. Úıinde jalǵyz qalǵan bala sol tútinge tunshyǵyp, esinen tanyp qalady. Jalyndy kórgen kórshileri dereý órt sóndirýshiler men jedel járdemdi shaqyrtqan. Alaıda dárigerler balany aman alyp qala almady. Ol aýrýhanaǵa barar jolda jantásilim etti. Qazir Eńbekshi aýdandyq polıtsııa bólimi atalǵan jaıt boıynsha «Ózin ózi óltirýge jetkizý» babymen qylmystyq is qozǵady. Sebebi oqıǵa ornynda balanyń óz ózin óltirýge oqtalýyna uqsas kórnis anyqtalǵan. Bireýler jetkinshektiń «Kók kıt» oıynyna kirip ketkeni týraly da aıtýda. Qalaı bolǵanda da qaıǵyly jaǵdaı boıynsha birqatar saraptamalar taǵaıyndaldy. Tártip saqshylary balanyń uıaly telefonynan bastap, barlyq kompıýterlik quraldaryna sondaı-aq denesinde daqtar bar ma joq pa, sol jaǵyna da tıisti saraptamalar taǵaıyndalǵanyn aıtady. Sonyń qorytyndysy boıynsha jetkinshektiń óliminiń sebepteri belgili bolmaq.
