Shymkentte páter tonap júrgen qylmystyq top 8 mln teńgeniń zatyn urlaǵan
ShYMKENT. QazAqparat - Shymkentte polıtseıler páter tonap júrgen qylmystyq topty ustady. Úsh adamnan turatyn top músheleri jábirlenýshilerge 8 mln teńgeden asa shyǵyn keltirgen, dep habarlaıdy «QazAqparat HAA tilshisi.
Qylmystyq topty quryqtaýǵa turǵyndardyń aryzy sebep bolǵan. Atap aıtqanda Abaı aýdandyq polıtsııa bólimine qala turǵyny kelip, belgisiz bireýlerdiń páterin tonap ketkenin aıtqan. Urylar terezedegi temir torlardy buzyp, 400 myń teńgeniń altyn buıymdary men úıde turǵan aqshany alyp ketken. Dál osy tektes aryzdar polıtsııaǵa birneshe azamattan túsken.
Jedel izdestirý sharalary barysynda tártip saqshylary osy qylmysqa qatysy bar degen úsh kúdiktini qolǵa túsirdi. 23,25 jáne 27 jastaǵy seziktilerdiń oblys ortalyǵynda turatyndyǵy jáne buryn sottalǵandyǵy belgili boldy. Tergeý barysynda ustalǵandardyń eki aı kóleminde páterlerdi tonap, úı ıelerine mıllıondaǵan shyǵyn keltirgeni anyqtaldy. Olar qylmystaryn negizinen kúndiz jasap kelipti. Jekelegen úılerge túrli kilttermen kirip, turmystyq tehnıka, altyn buıymdar men aqshalardy urlap otyrǵan. Keıinnen «oljalaryn» satyp, qajettilikterine jartqan.
Qazirgi tańda kúdiktilerdiń ústinen Qylmystyq kodekstiń 188 baby «Tonaý» áreketi boıynsha is qozǵalyp, tergeý amaldary júrgizilýde.
