Shymkentte Parlament Senatynyń depýtattaryn saılaý ótti
ShYMKENT. QazAqparat - Shymkentte Parlament Senatynyń depýtattaryn saılaý ótti. Shahardaǵy 29 depýtat úmitker retinde tirkelgen 6 kandıdattyń arasynan óz tańdaýyn jasady, dep habarlaıdy QazAqparat tilshisi.
Aıta keteıik, buǵan deıin Ortalyq saılaý komıssııasy 9 kandıdattyń tirkelgenin habarlaǵan bolatyn. Alaıda saılaý aldynda olardyń úsheýi bas tartty. Qalǵan úmitkerlerdiń qatarynda «Bank TsentrKredıt» AQ Shymkent qalasy fılıalynyń qyzmetin qoldaý basqarmasynyń bastyǵy Serik Aldanov, Shymkent qalalyq máslıhatynyń hatshysy Nurlan Beknazarov , «Global A» JShS dırektory Bıjan Jylkeldıev, «Mankent shıpajaıy» AQ bas dırektorynyń orynbasary Ǵanı Qarabekov, ýaqytsha jumyssyz Darhan Satybaldy jáne «Shymkent-saýda» JShS dırektory Asqarbek Úrkimbaevtar boldy. 
Saılaý qortyndysy boıynsha Darhan Satybaldy 21 daýyspen, Shymkent qalalyq máslıhatynyń hatshysy Nurlan Beknazarov 21 daýyspen jeńiske jetti. Endi qalalyq saılaý komıssııasy saılaý qorytyndylaryn Ortalyq saılaý komıssııasyna joldap, saılaý nátıjesin resmı túrde jarııa etedi.
