Shymkentte «Parasattylyq alańy - 2019» jas aqyndar músháırasy ótti

ShYMKENT. QazAqparat – Halyqaralyq sybaılas jemqorlyqqa qarsy kúres kúnine oraı Shymkent saz kolledjinde jas aqyndar arasynda «Parasattylyq alańy - 2019» músháırasy ótti. Іs-sharany Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti men qala ákimdigi birlese uıymdastyrdy, dep habarlaıdy QazAqparat tilshisi.

«Asyl – tastan, aqyl jastan» demekshi, tyń ıdeıalar, jaqsy ózgerister, oń bastamalar jastardan bastalady. Osy oraıda atalǵan baıqaý jastardyń boıyna sybaılas jemqorlyqqa múldem tózbeýshilikti qalyptastyrý men otansúıgishtikti, parasattylyqty keńinen nasıhattaý maqsatynda uıymdastyryldy. Adaldyq sııaqty qundylyqtardy nasıhattaý arqyly aqyndar óskeleń urpaq boıynda patrıottyqty, adamgershilikti qalyptastyrýǵa erekshe úles qosady degen úmittemiz. Іs-sharaǵa 10-nan astam jas aqyn qatysyp, birinen biri ozǵan qatysýshylar qazylar alqasyn jáne kórermenderdi daryndarymen tánti etti. Músháıra qorytyndysymen І-oryndy Seıdan Jálimbet, ІІ-oryndy Ergeshbaeva Halıda, ІІІ-oryndy Kerimbekov Amanǵalı ıelense, bas júlde Jumabaev Maǵjanǵa tabystaldy. Jeńimpazdar alǵys hattarmen jáne baǵaly syılyqtarmen marapattaldy.