Shymkentte para alǵan tergeýshige deldal bolǵan advokat anyqtaldy

ShYMKENT. QazAqparat - Shymkent qalasynyń Advokattar alqasynyń qorǵaýshysy paraqorlyqqa deldaldyq jasady degen kúdikke ilindi. Bul týraly QazAqparat Sybaılas jemqorlyqqa qarsy is-qımyl agenttigine silteme jasap habarlaıdy.

Shymkent qalasynyń sybaılas jemqorlyqqa qarsy qyzmeti sybaılas jemqorlyq qylmys jasady degen kúdik boıynsha Shymkent qalasynyń advokattar alqasynyń qorǵaýshysyna qatysty sotqa deıingi tergeýdi bastady.

Ol Shymkent qalasyndaǵy Abaı aýdandyq polıtsııa basqarmasynyń tergeýshisine zorlaý faktisi boıynsha qylmystyq isti toqtatýǵa deldaldyq jasaǵany úshin jalpy somasy 360 000 teńge kóleminde para aldy degen kúdikke ilinip otyr.

Buǵan deıin habarlanǵandaı, Shymkent qalasyndaǵy Abaı aýdandyq Polıtsııa basqarmasynyń tergeýshisi atalǵan isti toqtatý jóninde protsessýaldyq sheshim qabyldaǵany úshin para aldy degen kúdik boıynsha sotqa deıingi tergeý jalǵasýda.

«Avdokattyń isine qatysty sotqa deıingi tergeý jalǵasyp jatyr.

Kúdiktilerge qatysty túpkilikti sheshimdi olardyń kinásiniń deńgeıin anyqtaý arqyly sot qabyldaıtyn bolady», delingen habarlamada.