Shymkentte para alǵan sýdıaǵa qatysty sot bastaldy
ShYMKENT. QazAqparat - Shymkentte para alyp jatqan kezde ustalǵan sýdıaǵa qatysty sot otyrysy bastaldy. Qarataý aýdandyq sotynyń burynǵy sýdıasy Ermahan Shalanovtyń isi Eńbekshi aýdandyq sotynda qaralýda, dep habarlaıdy QazAqparat HAA tilshisi.
Ermahan Shalanov osy jyldyń 14-shi qańtarynda sýdıa qyzmetin atqaryp júrip para berýshi J.Erkimbekovadan 500 myń teńge aqsha alyp jatqan kezinde óńirlik Sybaılas jemqorlyqqa qarsy is-qımyl ulttyq bıýrosynyń qyzmetkerleri ustaǵan bolatyn.
Zań ókiliniń parany ne sebepti alǵany áli aıtylmady. Belgilisi, Ermahan Shalanov buǵan deıin Shyǵys Qazaqstan oblysynda sýdıalyq qyzmet atqarǵan. 2014 jyly ol Shymkent qalasyna qarasty Eńbekshi aýdandyq sotyna sýdıa bolyp kelgen. 2015 jyldan Qarataý aýdandyq sotynyń sýdıasy bolǵan. 
Sýret ratel kz alyndy.
